Escanciando sidra fuera del vasu

x. Carlos X.

Escanciando sidra fuera del vasu

Un discursu fondu y posáu sobre la identidá d´un Pueblu nun pue afitase en coxuntures pasaxeres, en modismos históricamente caducos, en continxencies que duren –non más- un sieglu. Ye dolioso, punchante nes coraes del alma, ver cómo les apelaciones a la sidra, a los mineros, al tópicu revolucionariu, al clima, sostituyen un verdaderu discursu identitariu sobre Asturies y pa Asturies.

En cuantes a la sidra y la nuesa manera peculiar d´escanciala y tastiala, quiciás nun caiga embaxu recordar que ye una continxencia de malapenes un sieglu d´historia, nada en comparanza col calter milenariu de la nuesa nación. Y precisamente la esistencia d´un vidriu pa embotellar y d´un vidriu más finu cada vuelta pa fabricar vasos, guarda rellación con procesos industriales que marcaron abondo a l´Asturies contemporánia. Nun ta de más recordar qu´estenses fasteres occidentales y orientales d´Asturies son poco o nada sidreres, y que la sidra, consumida d´otra miente, predomina en tola Europa atlántica y nórdica, nun ye esclusiva nuestra. Al igual que´l clima, el pasáu obreru o les revoluciones, nun podemos reclamiar esclusividá. Dame pena ver eses “manifestaciones sidrolóxiques” nel Sablón de San Llorienzu de Xixón, con miles d´escanciadores sumisos y gregarios, y dame noxu entrar en comparances colos quinientos manifestantes del ”Asturies decide”.

Inda más, el reclamase “revolucionarios” por ser esi el nuesu pasáu, viendo agora´l nuestru estáu como cuerpu social, fincaos de rodíes, gachos y sumisos, cuasi muertos como coleutividá, cada vuelta más llatinos y más gochos (una cosa nun tien que ver cola otra, que se m´entienda), cada vuelta más sureños y más vieyos... pues ¿qué queréis? Ye un sarcasmu prietu, ye una afección patolóxica, masoquista.

Revisemos la Historia de magar 1850 y de magar entamó la proletarización y el desaniciu progresivu de la cultura nacional asturiana. Revisemos lo que significa la urbanización, centralización y concentración demográfica nel País. Esti procesu, col escaezu de la variedá rexonal del País (un País, como Asturies, compriende delles rexones diferenciaes), significaron “ser más provincia” y “menos nación”. La cultura de “barriu” el grafiti, el rap y otros ritmos negroides, la indumentaria presidiaria hip-hop, la play-station y otros velenos de la xuventú, como na mio época fueron les tasques de vino, el porru y la heroína, sostituyen una cultura nacional por un cosmopolitismu xuvenil mugorientu y proletarizáu. Nun hai tresmisión xeneracional, les carriles tán bloquiaes y el “presentismu” impera en cuasi tolos celebros, inda en munchos que s´esfuercien por deprender asturiano. Ye como pa pensar en too ello.